مشهد في عام 2052!

عصر السرعة...

المشهد: جدة وحفيدتها فى غرفة معيشة المنزل

الجدة: إنتي كنتي فين يا فتفت؟

الحفيدة: أصل إحنا أخدنا الولد من الحضانة..

الجدة: ولد !! ولد إيه اللي أخدتوه من الحضانة؟

الحفيدة: آه صحيح أنا نسيت أقول لك... أصل أنا جبت ولد من سمسم صاحبي.

الجدة: يا بنتي مستعجلين على إيه مش لما تتجوزوا؟ حسبي الله ونعم الوكيل!

الحفيدة: يا سلام عليكي يا تيته.. إنتي عليك تحكيمات غريبة.. طيب إيه اللي يمنع نخلف من غير جواز أنا شخصياً عملتها ونفعت

الجدة: مشكلتي إني ما باعرفش أزعل منك يا فتفت يا عكروتة... وسميتوا المحروس إيه بقى

الحفيدة: سميناه (دوت كوم) ..

الجدة: نعم.. دوت كوم؟ نظام هاي تك بقى؟ يعني لما تعوزي تنادي له تدوسي (إنتر) ولا إيه بالضبط ؟

الحفيدة: ها ها ها ها .. إيه الخفة دي يا تيته.. والله فكرة.. لما أعوز أنده له أدوس إنتر.. ولما أحب أقول له روح أودتك أدوس (ألت و إف4).

الجدة: وأخدتوه من الحضانة وديتوه فين بقى؟

الحفيدة: وديناه النادي الصهيوني بتاع الحي

الجدة: النادي الصهيوني بتاع الحي؟

الحفيدة: أيوه.. ده نادي جميل معمول برعاية كبار رجال الأعمال.. وتحت رعاية وزارة الزراعة وده بيعلم الأطفال حاجات ظريفة خالص ومصاريفه رخيصة جداً وبعدين الولد الكويس ممكن يبعتوه يكمل تعليمه في إسرائيل على نفقة وزارة الزراعة أصل (ميدو يوسف والي) وزير الزراعة ده راجل متفتح قوي. هه، أفتح لك التليفزيون يا تيته عشان تشوفي نشرة الأخبار.

الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر صوت مذيعة مصحوبا بلقطات للأنباء ....

المذيعة: هاي شلة! إليكم عناوين الأخبار

- أمريكا ترصد 25 مليار دولار لرأس تامر بن محمد بن أسامة بن لادن المتهم الأول في تفجير قصر السفير الأمريكي في أفغانستان.

- واشنطن تتهم ليبيا بتفجير سفينة فضاء فوق كوكب المريخ.

- وزير الاقتصاد د. فريد يوسف بطرس غالي يصرح: إعدام الفقراء هو الحل لخروجنا من عنق الزجاجة.

- موافقة مجلس الشعب أخيرا على خصخصة معبد الكرنك.

أخبار عربية

- زهوة ياسرعرفات تطالب بانسحاب إسرائيل حتى حدود عام 2030، وإعلان الدولة الفلسطينية في مايو المقبل.

- سيريلانكا والفلبين تطرد خمسة آلاف خادمة كويتية.

- إسرائيل ترفض الانسحاب من البصرة إلا بعد ضمان أمن مستوطناتها في بغداد.

- اشتباكات على الحدود الإسرائيلية المغربية.

أخبار الفن

- زفاف المطربة صباح على حفيد الفنان الراحل راغب علامة.

- رئيس قطاع الإنتاج لم يستقر بعد على بطلة فوازير رمضان ويعقد اجتماع مع السيدة توتي محمد صفوت الشريف وزيرة الإعلام الجديدة لمناقشة هذه القضية.

- الفنان محمد هنيدي يهاجم نجوم الكوميديا الجدد.

المذيعة: فينيش باي

الجدة: لأ بقى حسبي الله ونعم الوكيل فيكم فعلا! (يغمى عليها).

الحفيدة : تيته..تيته!!

تحياتي لكم *-*حبووبة*-* queen

هههه تسلم ايدك يا حبوبة

الجديد انة حيكون بعد 50 سنة للامام أن كل ثلاجة وبوتاجاز حتتباع ومعاها( نيت وورك) وحيبقى لكل واحد فينا 1500 (اى بى)يعنى الغسالة لها اى بى والتلاجة لها اى بى وهكذا والكل حيبقى متوصل بشبكة واحدة يعنى حتتتحكم فى كل دوول من على النت الخاص بالكمبيوتر بتاعك
يعنى مثلا التلاجة ممكن لما يخلص منها الاكل تبعت اميل للسوبر ماركت عشان تجيب احتياجتها
وكمان ممكن نسمع فى يوم (تم اختراق بوتاجاز فلان والبيت ولع) يعنى بعد كدا اللى موش حيدرس(CNNA)موش حيقدر يحمى بيتة من الهاكر

هههههههههههه والله حلوه نسمع انو البوتاجاز اخترق عيشه صبابا.. بس على فكرا حسب معلوماتي بتزكر انو هديك السنه سارت امريكا تستخدم نظام الثلاجه وبتكون موصوله مع السوبر ماركت ولما بتفضى ببعتولهم الوازم يلي بحتجوها
شكرا لمروركم

عفوا
الموضوع حلو جدا

تسم ايديكوا يا جماعه على المعلومات الجميله دى الوحد يبقا عارف ايه الى حيحصل قدام