جولة داخل عقل شاب

سلام عليكم
عاملين ايه
اتمنى يكون كل واحد وواحده كويسين وحلوين
ويارب اى اتنين بيحبوا بعض ربنا يوافقهم
واى واحده عاوزه تتجوز تتجوز
واى واحد عاوز يتجوز يتجوز
واللى عاوز يشتغل يشتغل
واللى عاوز ولد يجيب بنت
واللى عاوز بنت يجبي ولد
علشان مش بحب اللى ينقى
المــــــــــــــــــــــــــهــــــــــــــــــــ ـم

وبعد المقدمه الطويله دى
اتركوا لى انفسكم
يعنى من الاخر سيب نفسك ايوه سيب نفسك خالص
تمام كده هاخدكم ياجماعه فى جله فى عقل شاب
وان شاء الله انتظروا جوله فى عقل شابه
ياله كله يشد الحزام ويربط الجزمه بتاعته ويستعد

شباب اليومين دول طبعا احنا مش عارفين هما ظالمين ولا مظلومين
جانى ولا مجنى عليه
بس طبعا الشباب عندهم طموح عالى اوى
وينقسم الشباب الى قسمين الشاب الطموح والشاب الى مش طموح
[b]اولا الشاب الطموح
بيفكر ازاى يطلع الاول على دفعته
ازاى يبقى معقد
ازاى ينسى الضحك ويركب الوش الخشب اللى ياساتر وطبعا مش كل المتفوقين بس اغلبهم
علشان كده مش عاوز الناس اللى هنا تفكر فى التفوق ابدا ياراجل خليك فرش

نشوف بقه الشاب اللى بيقولوا عليه مش طموح
انا شايف انه كله طموح
اول حاجه
البنات يااااااااااااااااه يالهوى على البنات ازاى يعلق البنت دى ويكلم البت دى
على ايه مش فاهم البنات لا هاتزورد ولا هاتاخر بس نعمل ايه بس اخوتنا البلاستك ولازم نرضيهم ونحسسهم بقيمتهم

تانى حاجه فى التفكير
اللبس والمظهر العام والخاص
يعنى تلاقى الشاب محتار مش عارف ليه ما يضرب اى بنطلون على اى تى شيرت ويعدى الليله
بس هوه بقه لازم يكون مختلف
يفكر يجيب قميص ربع كم على بنطلون تجميع من ورا مش زى ادام خالص
ويضرب شعره بشويه جيل ويعملى سبايكى كما قال زكى شان

ثالث تفكير
العربيه والمظاهر
انه يقول للناس انه ابن حسين بيه
ويشوف العربيه بقه يروشنها زى لعبه الاندرجراوند
ويعمل الباب فى سقف العربيه ولازم يظبط الصوت يعنى يعمل دي جى فيها وحوارات جامده علشان لما يحب يسمع اغنيه ام لا اله الا الله تسمع الاغنيه بتاعته دى

رابع تفكير
ازاى يدى صابونه للبت اللى علقها وزهق منها
يعنى البت صدقت خلاص انه بيحبها والبت متمسكه بيه وهوه يقولها يابنتى انا كنت بتسلى بس على مين تقوله ياحبيبى بلاش هزار حاجه افظع من الصمغ العربى اه والله

خامس تفكير
الموبيل لازم الموبيل يكون بخمس كاميرات واستك
علشان لو خمس بنات ماشيين فى شارع يصورهم كلهم
والاستك يلف بيه الصور بعد مايصورهم

سادس تفكير
يعمل جروب مطرقع كده يروشوا مع بعض والمخدرات بقه مزه القاعده
يعنى كان ياما مان ولا يحلى الكلام الا بالشيشه والدخان
ةازاى بقه يشرب السجاير والشيشه وابوه مش يعرف ازاى يطير الريحه بتاعت بوقه

والله الشباب بيتعبوا خالص مالص
وفى انتظار الجوله القادمه فى عقل بنت
وهانشوف الفضايح كلها

منقول