تعلم من الحياه

السلام عليكم

كيفكم

إن شاءالله طيبين

والله زمااان

عن رسايلكم

أعود لكم بقصيدة تستحق أن أعود بها

شاااعر أذهل الملاليين في شااعر المليون

وقصيدته

وكلامه

وحضوره

وهو محمد مربيد العازمي

وألف تحية لهذا الرجل

تأملوا فقط

هي للتأمل

- - -

شبيت من راس الفتيل القناديل
وذبحت في ميلاد شعري تميمه

شاعر وامثل لابتي خير تمثيل
شعر ٍ جديده يفتخر في قديمه

ابقى على حلم الليال المقابيل
تدفعني النخوه وقو العزيمه

ما اقول انا نجيب والا احمد زويل
اهل العقول الراجحه والحكيمه

لكن نحاول نرتقي جيل عن جيل
واكبر فخر إنا من امه عظيمه

ايامنا ذل وهوان وغرابيل
تهدم قيم والجهـْل مسرح جريمه

واعلامنا غزو عقائد وتظليل
قناة تمثيل وصحافه عقيمه

والشعر فصـّـل حال الايام تفصيل
وجسد معاناة الشعوب الأليمه

واصدق لساني حلل الوضع تحليل
احساس شاعر نابع ٍ من صميمه

وانا ليا تغربت من غير تأويل
ارضي طموحي وافهمي يا فهيمه

انا ادري انه غرك القال والقيل
وكثرت عليك علوم راع النميمه

لكن ترى ماعاد لي للصبر حيل
ولا عدت اطيق المهزله والظليمه

صحيح اجابه صدمة الوقت وآشيل
والصبر مفتاح الفرج والغنيمه

واحاول ادور للأعذار تعليل
واقول ما ينسى نديمي نديمه

لك بين ريضان الحنايا مداهيل
ولك بالحشى حشمه وشيمه وقيمه

خوذي كلام اللي ليا قال ما يميل
وخلي كلام اهل العقول السقيمه

يا وردة ٍ مالت على ضفة النيل
يهبها ريح العبير ونسيمه

انا احتدم لك وانثني واسرج الخيل
وآعن ّ لك واكرب اشداد ريمه

ثلثين ليل وثلث باقي من الليل
بعد القطيف وقبل مفرق رحيمه

ترسل وانا مانيب يم المراسيل
الوضع سيء والنوايا مقيمه

رسايلك توحي بقطع المواصيل
الله يبيح اللي رعاك ويديمه

ماهو كذا تقفي وذودي مباهيل
وتهل دمعك مثل دمع اليتيمه

جرحتني توك وانا جرحي امحيل
وهزمتني وانا ماعرف الهزيمه

وانا من احفاد الرجال المشاكل
بني عطا أهل الصفات الكريمه

إليا حدرنا وادي ٍ ضاربه سيل
وإليا تسندنا جبال ٍ مريمه

والمرجله لوهي ورا الجدي واسهيل
نسعى لها سعي الغريم لغريمه

فهمتني والا تبي ندبل الكيل
نصيحتي خل العلاقه حميمه

لا تحسبنْ دمعي يبل المناديل
لا والذي منعم عليك بنعيمه

إن رحت عني جعل دربك تساهيل
وإن جيتني غالي وقدر وحشيمه

طبعي كذا ماركض خلاف الاقاويل
وحسيبنا محيي العظام الرميمه

- - -

شي خيااالي

الله الله يابوحميد

بالذات الملونة ركزوا عليها

والحقيقة

أن القصيدة تستحق تلوينها كاااملة

لكن أخترت بتلوينها الابيات التي تعتبر

أجود الحسن

عموما محمد مربيد أخذ حقه يوم شارك بالبرنامج

وأنا وعدتكم بجلب القصائد المظلومة

والمواهب المدفونة

لكن العازمي أذهلنـــي

تحياااتي

وفالكم التوفيق

شااااعري

س ل م ا ن